2025-yil 29-sentyabr kuni Xalq deputatlari Toshkent shahar kengashi poytaxt byudjetining qo‘shimcha mablag‘larini sarflash yuzasidan qaror qabul qildi.

2025-yil I choragida daromadlar oshirib bajarilgani bois respublika byudjetidan Toshkentga 126,7 mlrd so‘m ajratildi. Shundan 10 mlrd so‘m shaharda mavsumiy gul ko‘chatlarini ekish ishlariga yo‘naltiriladi.

Pullar shahar obodonlashtirish bosh boshqarmasi va tuman boshqarmalariga ajratiladi. 1,82 mlrd so‘m umumiy obodonlashtirish tashkilotlariga, 8,18 mlrd so‘m esa tumanlarga taqsimlanadi.

Mirzo Ulug‘bek tumani eng ko‘p — 1,24 mlrd so‘m oladi. Shuningdek, Yunusobod (1,15 mlrd), Chilonzor (1,07 mlrd) va Olmazor (1 mlrd) tumanlariga ham katta mablag‘ yo‘naltiriladi. Yangihayot tumani esa eng kam — 80 mln so‘m oladi.

Bundan tashqari, qo‘shimcha mablag‘lardan 50 mlrd so‘m “Toshkent invest”ga, yana 50 mlrd so‘m Toshkentni rivojlantirish jamg‘armasiga ajratildi. 621,3 mln so‘m “Anhor-2” favvorasini ta’mirlash va Ko‘ksaroydagi yashil maydonni sug‘orish qudug‘iga sarflanadi.

• Toshkent
• gul