WhatsApp dasturchilari Windows uchun messenjer ilovasining yangi mustaqil versiyasini chiqardi. Bu haqda messenjerning rasmiy saytida ma’lum  qilindi.

Ilgari shaxsiy kompyuter foydalanuvchilari WhatsApp’dan brauzer versiyasi yordamida foydalanishgan. Ishlab chiquvchilarning fikriga ko‘ra, dastur Windows uchun optimallashtirilgani tufayli u ishonchlilik va tezlikni oshirgan.

Foydalanuvchilarga yangi imkoniyatlar va’da qilindi. Ilgari WhatsApp’dan kompyuterda foydalanish uchun foydalanuvchilar ish stoli yoki brauzer versiyasi bilan sinxronlangan smartfonning internetga ulanganligiga ishonch hosil qilishlari kerak edi. Endi foydalanuvchi telefon o‘chirilgan holatda ham bildirishnoma va xabarlarni qabul qilishi mumkin bo‘ladi.

Ishlab chiquvchilarning aniqlik kiritishicha, Mac uchun WhatsApp ilovasi hali ham ishlab chiqilmoqda. Lekin foydalanuvchilar allaqachon uning beta-versiyasidan, brauzerdagi veb-versiyasidan yoki ilovaning eski versiyasidan foydalanishlari mumkin.

• WhatsApp
• Windows
• qiziqarli