Fransiya terma jamoasi bosh murabbiyi Zinedin Zidan, agar Qirollik klubi rahbariyati “Lion” futbolchisi Rayan Sherkani sotib olsa, faoliyatida uchinchi marta “Real”ni boshqarishga tayyor. Bu haqda Sport.es nashri xabar bermoqda.

Manbaning maʼlum qilishicha, “Real” Zidanni madridliklarning amaldagi bosh murabbiyi Karlo Anchelottiga oʻrinbosar sifatida koʻrmoqda, chunki italiyalik murabbiy boshchiligidagi jamoa hozirda kutilganidek natijalar qayd etmayapti.

“Real” rahbariyati Zidan xohlagan 19 yoshli Sherkani sotib olish bilan shugʻullansa, fransiyalik mutaxassis yana “qaymoqranglilar” bosh murabbiylik postiga qaytishga rozi boʻladi.

Maʼlumot oʻrnida, Sherki joriy mavsum “Lion” safida barcha turnirlar doirasida 22 ta oʻyinda maydonga tushib, 3 ta gol va 3 ta golli uzatmaga mualliflik qilgan.

• Futbol
• Real
• Zidan