Сўнгги йилларда таълим соҳасида олиб борилаётган изчил ислоҳотларнинг мантиқий давоми сифатида Ихтисослаштирилган таълим муассасалари агентлиги тизимида табиий фанлар йўналишида Абу Али ибн Сино номидаги ихтисослаштирилган мактаб филиаллари ташкил этилмоқда.

Тошкент шаҳридаги Абу Али ибн Сино номидаги ихтисослаштирилган мактаб табиий фанлар йўналиши бўйича таянч мактаб ҳисобланади.

таянч мактабнинг директори ва унинг филиали ижрочи директори Агентлик директори томонидан лавозимга тайинланади ва лавозимдан озод этилади;

таянч мактаб ва филиалларга раҳбар кадрларни ишга қабул қилиш икки босқичли (саралаш ва суҳбат), педагог кадрларни ишга қабул қилиш уч босқичли (саралаш, тест синови ва суҳбат) танлов асосида амалга оширилади;

таянч мактаб ва филиалларга қабул 7-синфдан бошланади.

Бунда бир синфда ўқувчиларнинг энг кўп сони 24 нафардан ошмаслигини ҳисобга олган ҳолда, қабул параметрлари Агентлик томонидан белгиланади.

Ушбу филиалларга ўқувчилар таянч мактаб учун белгиланган тартиб асосида саралаб олинади. Уларга ўқувчилар учун турар жой ҳамда аутсорсинг асосида белгиланган тартибда бепул соғлом овқатлантириш ташкил этилади.

Абу Али ибн Сино номидаги ихтисослаштирилган мактаб филиалларининг ташкил этилиши Ўзбекистонда ёшларнинг табиий фанлар бўйича сифатли таълим олиши ва иқтидорини ривожлантиришда муҳим қадам бўлмоқда.

• АОКА
• Президент
• Таълим
• Видеоселектор