7 сентябрь, якшанба куни Америка Қўшма Штатлари Ўзбекистонга депортация рейсини амалга ошириб, АҚШда қонуний қолиш ҳуқуқига эга бўлмаган 39 нафар Ўзбекистон фуқаросини қайтарди.

“Ушбу парвоз АҚШ ўз чегараларини мустаҳкамлаш бўйича олиб бораётган давомли ҳаракатлар тизимининг навбатдаги қисми ҳисобланади”, – дея хабар бермоқда АҚШнинг Тошкентдаги элчихонаси.

Шунингдек, элчихона АҚШ ноқонуний иммиграцияга барҳам бериш, мамлакат чегаралари ва фуқароларини ҳимоя қилиши, мамлакатга ноқонуний кириб келганлар қамалиши ва депортация қилинишини ҳақида огоҳлантирган.

“Америка Қўшма Штатлари Ўзбекистон ҳукуматига АҚШнинг депортация жараёнларини амалга оширишдаги яқин ҳамкорлиги учун ўзининг чуқур миннатдорчилигини яна бир бор изҳор этади”, – дея қўшимча қилади элчихона.

• АҚШ
• Депортация
• Elchixona
• Ўзбекистонлик
• Тошкент
• fuqaro