АҚШнинг янги тинчлик режаси Донеск вилоятининг тўлиқ равишда Россияга топширилишини, АҚШ томонидан Қрим ва Донбасснинг Россия ҳудуди сифатида расман тан олинишини, шунингдек Запороже ва Херсон вилоятларида фронт чизиғини ҳозирги ҳолатда музлатишни назарда тутади.

“Америкалик расмийларнинг фикрича, агар уруш давом этса, Украина бу ҳудудларни барибир йўқотади”, деб ёзади Axios.

Нашр маълумотларига кўра, Трамп маъмурияти Донбасснинг Украина ихтиёрий равишда тарк этадиган ҳудудлари Россия назоратига ўтишини, аммо ушбу ҳудуд демилитаризация қилинган зонага айланишини таклиф қилмоқда

Запороже ва Херсон вилоятларида жангни фронт чизиғида музлатиш, кейинчалик Россия томонидан Украинага баъзи ҳудудларни қайтариш истиқболи ҳам таклиф қилинган.

“АҚШ Қрим ва Донбассни Россия ҳудуди сифатида расман тан олишга тайёрлигини, бунга Европадаги иттифоқчилари номидан ҳам розилик беришини ваъда қилмоқда, аммо Вашингтон Украинани бунга мажбурламайди”, деб ёзади Axios.

Бу имтиёзлар эвазига АҚШ Украина ва Европага хавфсизлик кафолатларини таклиф қилмоқда, аммо уларнинг аниқ мазмуни ҳозирча маълум эмас.

• АҚШ
• Qrim
• Россия
• Украина