“Аватар” ва “Титаник” фильмларидаги ижоди билан танилган америкалик продюсер Жон Ландау 63 ёшида вафот этди. Маълум қилинишича, Ландау 5 июль куни Лос-Анжелесда саратон касаллигидан вафот этган.

Жон Ландау 1960 йил 23 июлда Ню-Ёркда туғилган. У ўз фаолиятини 1980 йилларда кино ишлаб чиқариш бўйича менежер сифатида бошлаган. Ландау суратга олган “Аватар” ва “Аватар: сув йўли” фильмлари “Титаник”нинг жаҳон бўйича прокат рекордини икки марта янгилаган. Биринчисида жами 2,26 миллиард доллар ишлаб топган бўлса, “Аватар” ва унинг давоми мос равишда 2,9 миллиард ва 2,3 миллиард доллар ишлаб топган. Ландау “Аватар” фильмининг биринчи қисми учун "Оскар" мукофотига номзод бўлган.

"Титаник" ва "Аватар" фильмидаги иши учун икки марта БАФТА мукофотига ҳам номзод бўлган.

• Avatar
• Кино
• Titanik