Суд материалига кўра, Москва яқинидаги Crocus City Hall концерт залидаги теракт иши бўйича ҳибсга олинганлардан бири Диловар Исломов Тожикистонда туғилган аммо, Россия фуқаролигига эга. Аминчон, Диловар ва Исроил Исломовлар ҳам уюшган гуруҳ таркибида одам ўлимига сабаб бўлган теракт содир этганликда айбланмоқда.

Улар бир оиланинг аъзолари бўлиб, ота ва болалар ҳисобланади. Тергов жараёнида аниқланишича, террорчилар улардан қуролли ҳужум уюштиришда фойдаланган Renault русумли автомобилни сотиб олган.
Улар ҳам умрбод озодликдан маҳрум этилиши мумкин.

Кеча, душанба куни кечаси суд 22 майга қадар тергов томонидан консерт залига ҳужумнинг бевосита иштирокчилари деб ҳисобланган тўртта судланувчини: Фаридуни, шунингдек Далержон Мирзоев, Муродали Рачабализод ва Муҳаммадсобир Файзов ҳибсга олди ва уларни умрбод қамоқ жазосига ҳукм қилинишини айтган эди.

• Москва
• Отишма
• Россия
• Теракт
• Тожикистон
• konsert
• portlash