Европанинг тўртта давлати энди дунёдаги энг кучли паспортлар қаторидан жой эгаллади. Бу ҳақда “Euronews” маълум қилди.

Қайд этилишича, янги рейтингда Франция, Германия, Италия ва Испания Сингапур билан биринчи ўринни эгаллаган. Бунда юқори ўриндаги давлатлар 194 давлатга олдиндан тасдиқланган визасиз киришга рухсат берилади.

Шунингдек, дунёдаги энг кучли паспорт: Испания VisaGuide рейтингида Сингапурни ортда қолдирган. Жаҳон рейтингида биринчи ўнталикда эса Европа паспортлари устунлик қилади.

2024 йил учун янги Henley рейтингида Европа давлатлари кучли ўнталикда ҳукмронлик қилмоқда. Иккинчи ўринда Финляндия ва Швеция, шунингдек, Жанубий Корея.

Учинчи ўринда Австрия, Дания, Ирландия ва Нидерландия, тўртинчи ўринда Белгия, Люксембург, Норвегия, Португалия ва Буюк Британия. Греция, Малта ва Швейсария эса бешинчи ўринни эгаллади.

Бундан ташқари, энг заиф паспортлар қатори эълон қилинганида эса рўйхатнинг энг қуйи поғонасида Афғонистон жойлашган.

Унга 28 та давлатга визасиз кириш имконияти тақдим этилган. Бу октябрь ойидаги рейтингдагидан биттага кўп ва Франция, Германия, Италия ва Испаниядан 166 та кам.

Сурия, Ироқ, Покистон ва Яман эса қуйи бешликдан жой олган, 99-ўринда Сомали; Ливия, Непал ва Фаластин 98-ўринда; Бангладеш ва Шимолий Корея 97-ўринда; 96-ўринда Эритрея ва Шри-Ланка; шунингдек, Эрон, Ливан, Нигерия ва Судан 95-ўринни эгаллаган.

• Паспорт
• Виза