Дунёнинг энг бой ошпазларидан бири Бурак Ўздемир 1994 йил 24 мартда Туркиянинг Яйладағи шаҳрида туғилган. CZN’ Бурак Оздемирнинг тахаллуси бўлиб, отасининг Лалелидаги тўқимачилик дўконининг номи – Cинзано сўзининг нотўғри талаффуз қилинишидан келиб чиққан.

Истанбуллик 28 ёшли ошпаз Бурак Ўздемир ўзининг самимий табассуми, шунингдек, тайёрлаган ажойиб таомлари билан бутун дунёга машҳур бўлди. Асосий эътибор егулик таъмининг мукаммаллигида эмас, балки унинг ўлчамидадир.

Дастлаб Бурак овқат пишириш ҳақида умуман ўйламасди. Аксарият ўғил болалар сингари у ҳам футбол ўйнашни яхши кўрар, машҳур футболчи бўлишни орзу қилар эди. Бироқ 13 ёшида оиладаги оғир моддий аҳвол туфайли ишлашга мажбур бўлади.

Ота-онасининг ўз ресторани бор эди. Айнан ўша ерда ёш йигитча қўшимча пул ишлай бошлади ва ошпазлик тажрибасига эга бўлди. Аммо мазали палови ва машҳур кабоби туфайли Оздемирда миллий турк ошхонасига муҳаббатни ўзининг кичик қассобхонаси бўлган бобоси ва бувиси сингдирган.

2009 йилда отаси Буракни Истанбулнинг Аксарай чеккасига юборди, у ерда 16 ёшли боланинг елкасига катта масъулият юкланди: унга оилавий бизнеснинг янги филиалини очиш вазифаси топширилди.

Оздемир бошида унга деярли ҳеч ким ишонмаганини шундай эслайди:

“Бу ерни отам очган, менга бошқара олмаслигимни айтишди. Лекин бу менинг уйим эди, шунчаки бизнес эмас. Кейин ошпаздан тортиб официантгача ҳар бир ходимга бу ер меники эмас, бизники, дедим. Бунинг шарофати билан муваффақиятга эришдик. Отамдан ўрнак олиб, унинг изидан бордим”.

Ёш ошпаз бошчилигидаги оилавий ресторан машҳур эди, лекин бошқа кўплаб муассасалардан унчалик фарқ қилмади. Кейин йигит бир фикрга келди: у имкониятдан фойдаланишга қарор қилди ва улкан идишларда таом тайёрлашни бошлади. Шундай қилиб, бир вақтнинг ўзида иккита туяқуш тухумидан омлет пиширадиган ошпаз, шунигдек, бир метр узунликдаги кабоб ва кўпроқ тўй тортига ўхшаш бургер ҳақидаги миш-миш бутун мамлакат бўйлаб тарқалди.

Бизнес шу қадар муваффақиятли бўлдики, бир неча йил ўтгач, Бурак Истанбулга кўчиб ўтишга қарор қилди ва у ерда, шаҳар марказида янги, энг муҳими ўзининг “Hatay Medeniyetler Sofrasi” ресторанини очишга қарор қилди. Муассаса номи тасодифан танланмаган. Биринчи сўз Ҳатай Туркиянинг жанубидаги минтақадир. Дастлаб Буракнинг оиласи айнан шу ерда истиқомат қилган.

Бугунги кунда “Hatay Medeniyetler Sofrasi” нафақат маҳаллий аҳоли, балки бутун дунёдан келган сайёҳлар орасида ҳам жуда машҳур. Истанбулда ушбу тармоқнинг бир нечта ресторанлари мавжуд ва Оздемир Яқин Шарқда янги муассасалар очишни режалаштирмоқда.

Ҳозирда Буракнинг ресторанлари ўзининг улкан овқатлари билангина эмас, балки турли хил сервислари билан ҳам машҳур. Менюда 150 дан ортиқ таомлар мавжуд бўлиб, уларнинг ҳар бири учун алоҳида хизмат кўрсатилади. “Hatay Medeniyetler Sofrasi”нинг ўзига хос хусусияти мижознинг номи ёзилган пишириқлардир. Бурак таомнинг ташқи кўриниши таъмидан кам эмас, деб ҳисоблайди.

Бурак Оздемир ўзининг ижтимоий тармоқлари – You tube ва Instagram’да ошпазликнинг асл дурдоналарини эълон қилади. У оддий ошпазликдан нафақат ошпазлик санъатининг ҳақиқий профессионалига, балки ижтимоий тармоқ юлдузига ҳам айланди. Ошпазнинг Instagram блогида 38 миллионга яқин обуначи мавжуд. 

Бундан ташқари CZN Бурак дунёнинг энг машҳур шаҳслари (футболчилар, актёрлар,медиа вакиллари) ва иижтимоий кўмакка муҳтож болалар билан учрашиб, улар билан бирга таом тайёрлайди.

Сўнгги кунларда унинг саратонга чалингани ҳақида хабарлар тарқалди. Бироқ Оздемир соғлиги билан боғлиқ вазиятда барчаси жойида эканини маълум қилди.

Бугунги кунда унинг шахсий бойлиги 11,2 млн. АҚШ долларига тенг.
 

• Burak
• Oshpaz
• Туркия