Фарғона вилояти Қува туманининг “Қува Раста” савдо комплекси АЖда содир бўлган ёнғин юзасидан маълумот берилди.

Хабарда айтилишича, бугун, 1 февраль куни соат 06:23да Фарғона вилояти, Қува тумани “Ғалаба” МФЙ, Бўстон кўчасида жойлашган Қува савдо комплексида (бозор)  тахминан 25 та кийим-кечак дўконининг томи, шифти ва ички қисми ёнган.

Ёнғин ўчириш экипажлари воқеа жойига соат 06:27да етиб бориб, ёнғин 07:10да қуршаб олиниб, 07:37да ўчирилган.

Ҳодиса оқибатида фуқароларнинг тан жароҳати олиш ва ҳалок бўлиш ҳолатлари қайд этилмаган.

Воқеа жойига ФВБ ва туман ИИБ ходимлари ҳамда 11 та ёнғин-қутқарув экипажи жалб этилган. Ҳозирда ёнғин сабаби ва келтирилган зарар миқдори аниқланмоқда.

• Фарғона
• Ёнғин