31°
Кечаси 18°
Ислом Ҳамкорлик Ташкилоти (ИҲТ) ишғол остидаги Ғарбий Соҳилда Исроил ҳарбийлари томонидан 3 нафар фаластинлик ўлдирилганини қоралади.
ИҲТ ўз баёнотида Ғарбий Соҳилдаги Женин шаҳри яқинида машинада уч фаластинликнинг ўлдирилишини “даҳшатли жиноят” деб атади.
ИҲТ, шунингдек, Ғарбий Соҳилдаги ақидапараст яҳудий кўчманчилар гуруҳлари томонидан фаластинликларга уюштирилган ҳужумларни қоралади. Ташкилот 4 август куни Наблусда радикал гуруҳларнинг ҳужумлари натижасида бир фаластинлик ҳалок бўлганини, яна бир неча киши яраланганини эслатди.
ИҲТ провокацияларнинг эҳтимолий оқибатлари учун Исроилни жавобгар деб ҳисоблади ва халқаро ҳамжамиятни Исроилнинг фаластинликларга қарши жиноятларини олдини олишга чақирди.
Исроил ҳарбийлари 6 август, якшанба куни Женин шаҳри яқинидаги Арраба ҳудудида фаластинликлар бўлган машинага қарата ўт очди. Ҳодиса оқибатида 3 нафар фаластинлик ҳалок бўлди.
Исроил армияси ҳалок бўлган фаластинликлар ҳужумга тайёргарлик кўраётган “террорчилар ячейкаси”нинг бир қисми бўлганини, машина ичидан автоматик милтиқ топилганини иддао қилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
