2025 йил 29 сентябрь куни Истанбул шаҳрида Ўзбекистон фуқароларидан иборат бир гуруҳ шахслар, жумладан блогер “Жасмин” маҳаллий полиция томонидан қўлга олинди. Расмий маълумотларга кўра, жами 6 нафар фуқаро ушбу ҳолат бўйича ушланиб, 30 сентябрь куни Малтепе ёпиқ турдаги жазони ижро этиш муассасасига жойлаштирилган.

Улар гиёҳванд моддалар ва психотроп воситаларнинг ноқонуний айланмаси билан боғлиқ жиноят содир этишда гумон қилинмоқда. Тинтув жараёнида аниқланган ашёвий далиллар экспертизага юборилган бўлиб, айни пайтда тергов ишлари давом этмоқда.

Мазкур ҳолат ижтимоий тармоқларда кенг муҳокамаларга сабаб бўлган бўлса-да, ҳозирча Ўзбекистоннинг Туркиядаги дипломатик ваколатхоналари ёки расмий идоралардан қўшимча изоҳлар берилмаган. Тергов якунига кўра, жиноятнинг асл сабаблари ва иштирокчиларнинг айбдорлик даражаси аниқ бўлади.

• Гиёҳвандлик
• Истанбул
• Psixatrop