Ливиядаги “Даниел” тўфонидан кейин сув тошқини қурбонлари сони кўпайди, антисанитария шароитида эпидемиялар хавфи юқорилиги айтилмоқда.

Хабар берилишича, 10 сентябрь куни “Даниел” циклонидан келиб чиққан кучли ёмғир туфайли Ливиянинг шарқидаги бир қатор шаҳар ва аҳоли пунктларида, шу жумладан, эл-Байда ва Дернада сув тошқини қайд этилган. Маълумотларга кўра, Ливиянинг шарқидаги сув тошқини оқибатида ҳалок бўлганлар сони 11 мингдан ошган, 20 мингга яқин одам бедарак йўқолган.

Қурбонлар сони сезиларли даражада ошган, шунингдек, антисанитария шароитида эпидемиялар хавфи юқорилиги айтилмоқда.

Ливия миллий метеорология марказининг хабар беришича, 24 соат ичида эл-Обейдда жами 414,1 миллиметр ёғингарчилик бўлган. Одатда бу минтақада сентябр ойида тахминан 6 мм ёғингарчилик ва йилига ўртача 540 мм ёғингарчилик бўлган.

Маълумотларга кўра, ҳодиса натижасида камида 30 минг аҳоли ўз уйларини тарк этишга мажбур бўлган.

• Ливия
• сув_тошқини