Ҳар бир давлат ва унинг қонунлари бир-биридан фарқ қилади. Бир мамлакатда тўғри бўлган нарса бошқасида нотўғри бўлиши мумкин. Баъзан бутун дунё бўйлаб бу ғалати қонунлар сизнинг ажойиб таътилингизни кескин тўхтатиб қўйиши мумкин. Шундай қилиб, саёҳат қилаётганда, борадиган жойингизнинг турли ғайриоддий қонунлари ва урф-одатларини ёдда тутиш жуда муҳимдир. Масъулиятли саёҳат сиз билмаган нарса учун жаримага тортилиш ёки ҳибсга олиш хавфини камайтиради. Сиз ҳатто борлигига ҳам ишонмаслигингиз мумкин бўлган дунёда ғайриоддий қонунлар рўйхати:

1. Украинада жамоат жойларида чекиш ёки ичиш мумкин эмас

Украинада истироҳат боғлари, болалар майдончалари, спорт ва ҳукумат бинолари, автобус бекатлари ва транспортни ўз ичига олган жамоат жойларида чекиш ва спиртли ичимликларни истеъмол қилиш расман тақиқланган.

2. Таиландда электрон сигареталар тақиқланган

Таиландда электрон сигареталар, э-бараку ёки уларни тўлдириш каби буғлатгичларга рухсат берилмайди. Агар топилса, улар мусодара қилинади ва сизга жарима солиниши ёки 10 йилгача қамоқ жазоси берилиши мумкин. Яқинда Таиланд қирғоқ атрофини ҳимоя қилиш мақсадида 24 та пляжда, жумладан Пхукет, Коҳ Самуи ва Краби каби машҳур сайёҳлик жойларида чекишни тақиқлади.

3. Бутанда тамаки чекилмайди

Бутан мамлакатга тамаки олиб киришни қонуний тарзда тақиқлаган. Тоғ ҳавосини тоза сақлаш мақсадида мамлакат тамакига қарши дунёдаги энг қаттиқ қонунларни қабул қилган, чунки бу ерда чекиш ҳам, сигарет сотиш ҳам мумкин эмас.

4. Японияда кодеинга рухсат берилмаган

Японияда “Вискс инҳалер”лари ёки оғриқ қолдирувчи воситалар каби кодеинни ўз ичига олган баъзи дори воситаларидан фойдаланиш ёки эгалик қилиш тақиқланган. Қоидабузарлар ҳибсга олиниши ва депортация қилиниши мумкин.

5. Cингапурда сақич чайнай олмайсиз

Cингапурда сақичнинг доривор эканлигини исботлай олмагунингизча чайнаш жиноят ҳисобланади. Тиббий бўлмаган сақични сотиш ёки оддий сақични чайнаш 1000 доллар жаримага тортилишингизга сабаб бўлади. Бу иш билан иккинчи марта қўлга тушсангиз жамоат хизмати билан бирга 2000 доллар жарима тўлайсиз. Ахлат ва тупуриш ҳам худди шундай жаримага тортилади.

• Chet tili
• Дунё
• Қонун
• Туризм
• саёҳат