ЖЧ-2022 гуруҳ босқичи 2-турида Аргентина 2:0 ҳисобида Мексикани енгган эди.

Ушбу ғалабадан кейин Лионел Мессининг кийим алмаштириш хонасида ерда ётган Мексика ТЖ либосини оёғи билан суриб юборгандаги видеоси ижтимоий тармоқларда тарқалди.

Бунга бокс бўйича супер ўрта вазннинг мутлақ чемпиони Саул Алварес «Месси мен билан учрашиб қолмасликни Худодан ўтиниб сўрасин.

Мессининг футболка ва байроғимиз билан пол артаётганини кўрдингизми? Аргентина Мексикани ҳурмат қилган бўлса, биз ҳам Аргентинани шундай ҳурмат қилишимиз керак!

Мен Аргентина ҳақида гапирмаяпман, Месси ва унинг қилган ишлари ҳақида гапиряпман. Мексика футболкаси полда экан, бу биз учун ҳақорат», – дея муносабат билдирганди.

Мексикалик чарм қўлқоп устаси ушбу мурожаати учун узр сўради.

«Охирги кунларда ватанимга бўлган ҳиссиёт ҳамда муҳаббат мени қамраб олди ва кераксиз изоҳларни қолдирдим. Шу туфайли Месси ва Аргентина халқидан узр сўрамоқчиман.

Ҳар куни қандайдир янги нарсаларни ўрганамиз ва эндиги навбат менга», – деб twit қолдирган Канело.

• Бокс
• Футбол
• Канело
• Месси