Ўзбекистон ва Қувайт ўйинидан сўнг Фабио Каннаваро матбуот анжуманида ўз фикрларини билдирди.

“Кеча айтганимдек, ҳеч бир ўйин осон бўлмайди. Ҳар бир рақибни жиддий қабул қилиш керак. Учрашувни яхши бошладик, машғулотларда ишлаган ғояларимиз самара берди.

Негативлар — бу доимо бўладиган ҳолат. Шу вақтгача танқидлар бўлмаганми? Албатта, бўлган. Лекин мен уларга эътибор қаратмайман. Доимо ўз ишим ҳақида ўйлайман. Муваффақиятсизликка учраётган одамни ҳам ҳурмат қилиш керак. Футболчиларга бироз агрессив бўлиш кераклигини айтдим. Тўпсиз ўйнаш устида ишлашимиз лозим.

Рақиб прессинг қилмаган тақдирда ҳам бунга тайёр бўлиш шарт. Биринчи гол — машғулотлар меваси. Ўз устимизда ишлашда давом этишимиз лозим. Ғалаба қозонаётганда кўпроқ назоратга аҳамият бериш зарур. Ҳисоб 2:0 бўлиб турган пайтда оддий ҳолда тўпни йўқотдик, рақибга имконият бермаслик — энг муҳими. Тўп назорати устида ишлашимиз керак. Майдонда 90 дақиқа давомида фақат югуришнинг иложи йўқ. Шу боис футболчилардан бир-бирини яхшироқ тушуниш талаб этилади”, – дейди италиялик мураббий.

• Футбол
• murabbiy