ПСЖ ҳужумчиси Неймар жароҳати сабаб жорий мавсум бошқа майдонга туша олмайди. Футболчи жароҳат сабаб 3-4 ойни ўтказиб юборади. Бу ҳақда Париж клуби расмий сайти хабар бермоқда.

“Сўнгги йилларда Неймарнинг ўнг тўпиғида бир нечта муаммолар бор эди.

Футболчи 20-февраль куни жароҳат олганидан сўнг, жамоа тиббиёт ходимлари жароҳатнинг қайталаниш хавфини олдини олиш учун тўлиқ тикланиш бўйича жарроҳлик амалиётини тавсия қилишган. Барча мутахассислар ушбу ечим зарурлигини тасдиқладилар.

Операция яқин кунларда Доҳада амалга оширилади. Футболчининг тикланиш даври тахминан 3-4 ойни ташкил этади”, — дейилади парижликлар матбуот хизмати хабарида.

Маълумот ўрнида, Лига 1ънинг жорий мавсумида бразилиялик футболчи ПСЖ таркибида 20 та учрашув ўтказиб, 13 та гол уриб, 11 та голли узатма муаллифига айланган эди.

• Футбол
• Жароҳатлар
• Неймар