Жорий йилнинг 1-2 октябрь кунлари Тошкент шаҳрида илк бора “NASA International Space Apps Challenge” хакатони ўтказилди ва унинг ғолиблари аниқланди. Бу ҳақида "Ўзбеккосмос" агентлиги матбуот хизмати маълум қилди.

Мусобақа натижаларига кўра, ҳакамлар ҳайъати томонидан учта ғолиб ва қўшимча равишда иккита рағбатлантирувчи совринга эга бўлган жамоалар ва хакатоннинг энг ёши кичик бўлган иштирокчиларга ҳомийлар томонидан совғалар топширилди.

Унга кўра:

"Энг яхши илмий-техник лойиҳа"си йўналиши – “COSMOTEAM” ва “Power sun limit” жамоалари;

"Энг яхши таълим лойиҳаси"си йўналиши - “Team Zero” жамоаси;

"Ёш космик муҳандислар"си йўналиши - Алексей Крамер, Владимир Сой, Саиддиёр Собиров.

Хакатонда ғолиб бўлган учта жамоа “SpaceY”, “Astrea” ва “AvacadOS” Ўзбекистон номидан NASAнинг халқаро танловида иштирок этиш йўлланмасини қўлга киритдилар.

Маълумот учун, халқаро тадбир "Ўзбеккосмос" агентлиги, NASA, Ўзбекистон Ёшлар ишлари агентлиги, Инновацион ривожланиш вазирлиги, "Сеҳриё" хусусий таълим мактаби, “INNO Texnopark”, “Universal bank” ва “International Digital University” ҳамкорлигида ташкил этилган.

• Коинот
• НАСА
• Ўзбеккосмос
• илм-фан
• kosmos