АҚШ Жанубий Американинг собиқ президенти Алехандро Толедони коррупцияда айблаб Перуга экстрадиция қилди.

Толедо полиция ходимлари ҳамроҳлигида Перуга олиб кетилди.

18 ойлик қамоқ жазосига ҳукм қилинган сиёсатчи пойтахт Лимадаги Барбадилло қамоқхонасига жойлаштирилади.

Қайд этилишича, Толедо собиқ президентлар Алберто Фухимори ва Педро Кастилё жазони ўтаётган қамоқхонада бўлади.

Адлия вазирлиги раҳбари Хосе Телло журналистларга Толедо тиббий назоратдан ўтиши кераклигини айтди.

22 февраль куни АҚШ расмийлари Перу собиқ президенти Алехандро Толедони экстрадиция қилиш тўғрисидаги қарорни эълон қилди.

У Бразилиянинг Одебречт компаниясидан 30 миллион доллардан ортиқ пора олганликда айбланмоқда.

Перу прокуратураси Толедони 20 йиллик қамоқ жазосига ҳукм қилишни талаб қилмоқда.

Сиёсатчининг ўзи эса ўзига қўйилган барча айбловларни рад этяпти.

• АҚШ
• Экстрадиция