The Moscow Тимес’нинг хабар беришича, Россия компанияларининг ярмидан кўпи 53 фоизи чет эллик ишчилар етишмаслиги ҳақида хабар беришган, 46 фоизи эса мигрантларни ёллашнинг жорий ҳажмларидан “у ёки бу даражада” қониқишини таъкидлаган.

Бу ҳақда “Коммерсант” томонидан ўтказилган сўровномада маълум қилинди.

Тадқиқотга кўра, ишчиларга (53 фоиз), қурувчиларга (35 фоиз), хизмат кўрсатувчиларга (25 фоиз) ва ишлаб чиқариш ходимларига (23 фоиз) талаб юқорилигича қолмоқда.

Шу билан бирга, Россия компанияларида кўпинча МДҲ мамлакатлари ходимлари ишлайди (48 фоиз).

Шунингдек, Европа Иттифоқи ва Осиёдан (Хитой, КХДР, Ветнам, Таиланд, Камбоджа ва бошқалар) ишчи кучи мавжуд. Африка мамлакатлари ва Яқин Шарқ мамлакатларига 10 фоиздан тўғри келади.

Россия саноатчилар ва тадбиркорлар иттифоқининг шунга ўхшаш сўровида компанияларнинг учдан икки қисми меҳнат мигрантларини жалб қилишдаги қийинчиликлар ҳақида маълум қилди.

Уларнинг 56 фоизи меҳнат бозорида зарур мутахассисларнинг йўқлиги, 38 фоизи эса бўш иш ўринларига даъвогарлар рус тилидан имтиҳон топшира олмаётганини асосий муаммо деб атади.

Деярли ҳар бешинчи компания томонидан ишга қабул қилиш бўйича чекловлар ёки ҳудуд даражасида мигрантларни ишга қабул қилишнинг тўғридан-тўғри тақиқланиши ҳақида шикоят қилди.

Қайд этилишича, Россияга ишчи кучининг миграция оқими коронавирус пандемияси даврида қисқарган.

2023 йилда Россия меҳнат бозорида чет эллик меҳнат муҳожирлари сони 3,5 миллионга яқин кишини ташкил этган, бу 2019 йилдаги пандемиядан олдинги кўрсаткичдан деярли 1 миллионга кам.

• МДҲ
• Россия
• migrant