“Times New Roman”, “Arial”, “Verdana”, “Tahoma” ва “Helvetica” шрифтларининг муаллифлик ҳуқуқи эгаси бўлмиш “Monotype” компанияси россияликларга улардан фойдаланишни тақиқлади. Компания вакиллари Россиянинг Украинадаги ҳарбий ҳаракатлари туфайли мана шундай қарорга келганлар. 

Маълумот учун, “Times New Roman” дунёдаги энг машҳур шрифтлардан бири ҳисобланади. Аксарият расмий ҳужжатларда ҳам айнан ушбу шрифтдан фойдаланилади. Жумладан, АҚШ Давлат департаменти ва РФ Мудофаа вазирлиги ўз ҳужжатларини мана шу шрифтда юритади. 

“Times New Roman” шрифти 1932-йилда ихтиро қилинган бўлиб, илк бор “The Times” газетасида ишлатилган. “Arial” шрифти эса 1982-йилда ўйлаб топилган.

• shrift