Президент Администрацияси раҳбари Саида Мирзиёева Ал-Азҳар бош имоми Аҳмад ал-Тоиб томонидан ушбу халқаро мукофотнинг 2026-йилги совриндорларини аниқлаб берадиган 6 нафар ҳакамлар ҳайъати аъзосидан бири сифатида кўрсатилди.

Саида Мирзиёева Марказий Осиёдан Заед мукофоти ҳакамлар ҳайъати аъзосига айланган илк вакил ҳисобланади.

Маълумот учун, ушбу мукофот 2019 йилда БААнинг собиқ президенти марҳум Шайх Зайд бин Султон ал-Наҳаён шарафига таъсис этилган.

Ҳозирга қадар бутун дунё бўйлаб иқлим ўзгариши, камбағалликка қарши кураш, жамият ривожланиши ва соғлиқни сақлаш каби турли инсонпарварлик ташаббуслари бўйича 15 мамлакатдан 16 нафар совриндор эътироф этилган. Мукофот жамғармаси – 1 млн доллар.

“Одамзоднинг ёруғ келажаги ўзаро муносабатларга боғлиқлигига чин дилдан ишонадиган, жасур, узоқни кўра биладиган инсонлар билан елкама-елка фаолият юритиш мен учун шарафдир”, – дейди Саида Мирзиёева ўзининг ижтимоий тармоқларидаги постида.

• Камбағаллик
• Markaziy Osiyo
• Президент Администрацияси
• Саида Мирзиёева