31°
Кечаси 18°
Европа Иттифоқи Ташқи ишлар хизмати матбуот котиби Анитта Ҳиппер бу ҳаракат учун Душанбени танқид қилди.
“Европа Иттифоқи Россиянинг босқинчилик уруши даврида содир этилган барча жиноятлари, инсон ҳуқуқлари бузилиши ҳолатлари ва қонунбузарликлари учун халқаро ҳуқуқ доирасида жавобгарликни таъминлаш, қурбонларнинг адолатга бўлган ҳуқуқлари, товон тўлови кафолатларини таъминлашга қаратилган саъй-ҳаракатларни қатъий қўллаб-қувватлайди. Шу муносабат билан Европа Иттифоқи Халқаро жиноий суд прокурори томонидан Украинада олиб борилаётган терговларни қўллаб-қувватлашда давом этади ва барча давлатларни ҳамкорликка чақиради”, — дейилади Ҳиппернинг баёнотида.
Маълумот учун, 2023 йилнинг 17 мартида Халқаро жиноий суд Россия президенти Владимир Путин ва болалар ҳуқуқлари бўйича комиссар Мария Лвова-Беловани ҳибсга олишга ордер берган эди. Улар украиналик болаларни мажбурий депортация қилишда айбланмоқда.
Эслатиб ўтамиз, Россия президенти Владимир Путин 9–10 октябрь кунлари Тожикистон пойтахти Душанбе шаҳрида бўлиб ўтган “Россия - Марказий Осиё” ва МДҲ давлатлари етакчиларининг саммитларида иштирок этган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
