Тергов доирасида 7 кишига нисбатан қамоқ эҳтиёт чораси қўлланди. Улардан 3 нафари озиқ-овқат ишлаб чиқарувчи корхона мансабдорлари бўлиб, маҳсулот сифатидаги қонунбузарликларда айбланмоқда. Қолган 4 киши эса боғчаларга озиқ-овқат етказиб берувчи аутсорсер фирмалар масъуллари ҳисобланади.

Жиноят иши дастлаб Тошкент вилояти ИИББ томонидан тергов қилинган бўлса, кейинчалик материаллар Ички ишлар вазирлигига ўтказилган. Ҳуқуқни муҳофаза қилувчи органлар айбдорларга нисбатан қонун доирасида қатъий чоралар кўрилиши кераклигини билдирмоқда.

Ўткир гастроэнтерит ташхиси билан касалхонага ётқизилган болалар сони 963 нафарга етган. Улардан 269 нафари соғайган, 421 болага эса 27 сентябрь куни шифохонадан уйига жавоб берилиши кутилмоқда. Шу билан бирга, 13 боланинг аҳволи ўртача оғирликда қолмоқда.

• Бола
• Jazo
• Toshkent viloyati
• Заҳарланиш