Тошкентнинг бош арчаси очилиши 25 декабрга режалаштирилган. Бу ҳақда Тошкент шаҳар ҳокимлиги матбуот хизмати маълум қилган.

Таъкидланишича, бош арча шаҳар аҳолиси ва меҳмонларини ўзига жалб этиб, шинамлик ва сеҳрли муҳит яратадиган байрам тадбирларининг марказига айланади. Шу сабаб ҳар бир ташриф буюрувчи байрамдан хотиржам баҳраманд бўлиши учун барча ишларнинг сифатли бажарилиши ва хавфсизликни таъминлашга алоҳида эътибор қаратилмоқда.

Ҳозирда хавфсизлик чораларини кучайтириш, шунингдек, дам олиш ва кўнгилочар ҳудудга эркин киришни таъминлаш режалаштирилмоқда.

“Тез орада барчамиз амалга оширилган ишларнинг натижасини кўрамиз. Бош арчанинг расмий очилиши 25 декабрга режалаштирилган”, – дейилади ҳокимлик хабарида.

• Тошкент
• Янги йил арчаси