АҚШ президенти Доналд Трампнинг бойлиги сентябрь ойидан буён 1,1 млрд долларга камайди, – дея хабар қилмоқда Forbes.

Унга кўра, Трамп бойлигининг камайишига унинг оиласига тегишли “Тrump Media and Technology Group” компанияси акцияларининг кескин арзонлаши ва криптовалюта бозоридаги пасайишлар сабаб бўлган.

Маълумотларга кўра, Трампнинг умумий активлари ҳозир 6,2 миллиард долларга баҳоланмоқда. Сентябрда бу рақам 7,3 млрд долларгача кўтарилиб, рекорд даражага етган эди. Жума куни ДЖТ тиккери остида сотиладиган “Тrump Media and Technology Group” компанияси акциялари 10,18 минг долларгача тушиб кетди.

“Тrump Media and Technology Group” компанияси молиявий муаммоларга дуч келмоқда. Компания учинчи чоракда 973 минг долларлик даромадга тескари равишда 54,8 млн доллар зарар қайд этган. Биткоиндаги 48 млн долларлик йўқотиш Cronos криптовалютаси орқали 33 млн долларлик фойда билан қисман қопланган.

Маълумот учун, сентябрь ҳолатида Трампнинг бойлиги бир йил ичида 3 миллиард долларга ўсган ва Forbes 400 рўйхатида уни 201-ўринга олиб чиққан эди.

• АҚШ
• Boylik
• Forbes
• Президент
• Трамп