Пискент ва Бўка туманларида аниқланган ҳолатлар юзасидан дастлабки муносабат билдирилганидан сўнг, Мактабгача ва мактаб таълими вазири Эъзоза Каримова ва ўринбосари Азизбек Турдиев вазиятни шахсан ўрганиш учун Қуйи Чирчиқ, Оққўрғон, Пискент ва Бўка туманларидаги боғчаларга ташриф буюрди.

Текширув жараёнида боғчалардаги умумий ҳолат, хусусан, ошхоналар ва санитария шароитлари кўздан кечирилди. Тарбиячилар ва раҳбарият билан мулоқот ўтказилди. Ҳозирда: Қуйи Чирчиқда 12 нафар, Оққўрғонда 97 нафар бола шифокорлар назоратида, уларнинг ҳолати барқарор.

Пискент ва Бўкадаги болалар ҳам эҳтиёт чораси сифатида навбати билан тиббий кўрикдан ўтказилмоқда. Ҳозирча болалар соғлиғида жиддий хавф аниқланмаган. Ҳодиса бўйича ҳуқуқ-тартибот органлари томонидан тергов ишлари бошланган ва ҳолат тегишли ташкилотлар назоратига олинган.

Ижтимоий тармоқ фойдаланувчиларидан асоссиз маълумотлар тарқатмаслик сўралди.

• Maktabgacha va maktab ta'limi vazirligi
• Toshkent viloyati