Ўзбекистонда хизмат кўрсатган маданият ходими, таниқли ёзувчи Шодмон Отабек 79 ёшида ҳаётдан кўз юмди.

Турли йилларда ёзувчининг “Мирзакалон Исмоилий” (1978), “Япроқдаги нур” (1979), “Одамийлик синовлари” (1986), “Энг бахтли кун”, “Қорбўрон”, (1988, 2009), “Шахмат абадийдир” (1990), “Ширмонбулоқ оқшомлари” (1995) каби китоблари, шунингдек, “Яхши кунларда кўришайлик”, “Биркам дунё” қиссалари чоп этилган.

Шодмон Отабек бадиий таржима билан ҳам жиддий шуғулланган. У Л.Толстой, М.Зошченко, В.Шукшин, Б.Сарнов, Е.Гик, А.Несин асарларини маҳорат билан ўзбек тилига ўгирган.

Шодмон Отабекнинг асарлари рус, украин, қозоқ, турк тилларига таржима қилинган. У “Шуҳрат” медали билан тақдирланган.

• Yozuvchilar_uyushmasi