O‘zbekistonda suyultirilgan gazdan foydalanadigan 3 million 800 ming xonadonni ta’minlash tizimini bosqichma-bosqich xususiy sektorga o‘tkazish rejalashtirilmoqda. Bu haqda Prezident Shavkat Mirziyoyev yoqilg‘i-energetika sohasi investorlar bilan muloqotda ma’lum qildi.

Ilgari davlat monopoliyasida bo‘lgan suyultirilgan gaz ta’minoti tizimiga bozor mexanizmlari joriy etilmoqda. Tadbirkorlar ishtirokidagi pilot loyiha Andijon viloyatida boshlangan.

Rejaga ko‘ra, kelasi yili suyultirilgan gaz yetkazib berish sohasini respublika bo‘ylab xususiy sektorga berish ko‘zda tutilgan.

Prezident ta’minot tizimini o‘zgartirish jarayonida gaz yetkazib berishning uzluksizligi, xavfsizlik talablari va aholiga ko‘rsatiladigan xizmatlar sifati eng muhim mezon bo‘lishini ta’kidladi.