O‘tgan yili Tayson Fyuriga qarshi ikkita jangda 24 raund to‘liq jang o‘tkazgan Aleksandr Usik katta tanaffus olishga qaror qilgan.

Ukrainalik jahon chempioni Tayson Fyurini har ikki jangda ham ochkolar hisobiga ko‘ra mag‘lubiyatga uchratgan edi. Usik endi yozgacha aniq ringga qaytmaydi. Bu haqda uning menejeri Egis Klimas ma’lum qilgan.

“Bu uzoq davom etadigan tanaffus bo‘ladi. Fyuri bilan bo‘lib o‘tgan 12 raundlik jang uzoq muddatli tiklanishni talab qiladi. Usik iyul, balki avgust oyida ham ringga qaytmas”, – degan Klimas.  

Shuningdek, Klimas mijozining keyingi ehtimoliy raqibi IBF chempioni britaniyalik Daniel Dyubua bo‘lishi mumkinmi degan savolga ham javob bergan.

“Dyubua avval Jozef Parkerni mag‘lub etib olsin. Keyin Usikka qarshi jang haqida o‘ylasa bo‘ladi”, – degan Egis. 

• Boks
• Usik