Amerikaning Texas shtatida istiqomat qiluvchi 45 yoshli geymer Antonio Romero Monteyro videooʻyin kassetalaridan iborat dunyodagi eng katta kolleksiyani yaratdi va Ginness rekordchiga aylandi.

24 268 eksponatdan iborat kolleksiyaning umumiy qiymati 2,1 million AQSh dollariga baholangan.

Geymer eksponatlarni 1987-yildan, 10 yoshidan boshlab toʻplab kelgan. Antonio Ginness rekordlaridan allaqachon joy olib ulgurgan, ammo videooʻyinlar yigʻishni hali beri toʻxtatmoqchi emas.

Monteyro Xbox, Sega, Nintendo, PlayStation oʻyinlarining va videooʻyinlarning umumiy soni boʻyicha ham eng katta kolleksiyaga ega jahon rekordchisi hisoblanadi.

Kolleksiya tarkibidan “Nintendo“ning birinchi oʻyin konsollaridan tortib, zamonaviy videooʻyinlarning eng oxirgi namunalarini ham topish mumkin.

• Kolleksiya
• qiziqarli
• rekord