“Tel-Avivdagi Ben-Gurion fuqarolik aeroportida hafta boshida AQSh armiyasining yonilg‘i quyish samolyotlari saf tortdi. X’da e’lon qilingan kadrlar shundan dalolat beradi”, – deb xabar bermoqda Bild nashri.

Qayd etilishicha, 24-fevral kuni AQSh Britaniyaning 12 ta F-22 qiruvchi samolyotini ham Isroilning Negev cho‘lidagi bazasiga joylashtirgan. Ular Eronning ittifoqdoshi bo‘lgan Yamandagi husiy-terrorchilarning raketalarini tezda tutib olishga qodir. Bu harakatlar AQSh hujumidan keyin Eronning ehtimoliy javob zarbasiga qarshi turish uchun amalga oshirilmoqda.

Shu bilan birga, AQShning ikkinchi aviatashuvchisi – USS Gerald R. Ford O‘rta yer dengiziga yetib keldi va yaqin kunlarda Isroilning Hayfa shahriga  borishi kerak. AQSh prezidenti Donald Tramp hukumati “Oyatulloh” rejimi bilan muzokaralar boshi berk ko‘chaga kirib qolgan taqdirda Eronga ehtimoliy hujumga maksimal darajada tayyor bo‘lishga urinmoqda.

19-fevral kuni Tramp Tehronga kelishuvga erishish uchun taxminan 10-15 kun vaqt berishini ma’lum qildi. AQSh Eron yadroviy va raketa dasturlarini butunlay bekor qilishga, shuningdek, mintaqadagi XAMAS, “Hizbulloh” va husiylar kabi Eron bilan ittifoqdosh radikal qurolli guruhlarni qo‘llab-quvvatlashni to‘xtatishga erishmoqchi.

• AQSh
• Eron
• Havo hujumi
• Samolyot
• Urush