Britaniyalik ekspertlar Shekspirning qahramonlari bilan sodir boʻlgan hodisalar ilmiy nuqtai nazardan haqiqatga qanchalik yaqin ekanligini tekshirib koʻrishdi. Tadqiqotning bosh mavzusi Shekspir tomonidan yozilgan pyesa qahramonlarining oʻlimi boʻlgan.
Uilyam Shekspir oʻz asarlarida 70 ortiq qahramonni “oʻldirgan”. Tahlilchilar asarlardagi oʻlim sahnalari ularning mashhurlikka erishishida muhim rol oʻynaganini aytishadi. Ayrim qahramonlarning vafoti real hayotdagi oʻlim voqealariga haqiqatdan toʻgʻri keladi.
Misol uchun, Romeoning onasi kuchli stress holatidan oʻlgan boʻlishi mumkin. U “Romeo va Juletta” asarida oʻgʻlining quvgʻin boʻlganini eshitgach, vafot etadi. Zamonamiz shifokorlari ham kuchli stress yurak mushaklariga zarba berishi va oʻlimga olib kelishi mumkinligini tasdiqlaydilar.
Julyettaning uyushtirilgan oʻlimi sahnasi esa tadqiqotchilar tomonidan ishonarsiz deb baholangan. Asar bosh qahramoni 42 soat davomida oʻzini vafot etgan odam kabi koʻrsatadi. Real hayotda faqatgina fugu baligʻi zahri mana shunday taʼsir koʻrsatishi mumkin. Ushbu zahar turi tomir va yurak urishini toʻxtatib qoʻyadi. Shekspir fugu baligʻi zahri haqida dengizchilar yoki savdogarlardan eshitgan boʻlishi ehtimoli mavjud, albatta. Ammo, Julyettaning 42 soatlik “jonsiz” holatdan soʻng darrov oʻziga kelishi ishonarsiz tuyuladi.
Mutaxassislar, Shekspirning mashhur qahramonlaridan biri, Gamletning otasi quloq ichiga kirib qolgan zahar tomchisidan oʻlishi mumkin boʻlmaganini ham aytib oʻtishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!