Hukumat qarori bilan “Elektron ishonchnomalarni rasmiylashtirish, o‘zgartirish va bekor qilish, shuningdek, ishonchnomalarning reyestrini yuritish bo‘yicha Vakolat.uz platformasi to‘g‘risida”gi nizom tasdiqlandi.

Nizomga ko‘ra, ishonchnoma jismoniy va yuridik shaxslarning xohishiga ko‘ra so‘rovnomada ko‘rsatilgan, biroq 3-yildan oshmagan muddatga beriladi.

Ishonch bildiruvchi ishonchnomani rasmiylashtirish uchun OneID orqali Vakolat.uz platformasida ro‘yxatdan o‘tadi va tegishli so‘rovnomani to‘ldiradi.

Quyidagi hollarda ishonchnoma ishonch bildiruvchi tomonidan o‘zgartirilishi mumkin:

– jismoniy shaxsning familiyasi, ismi va otasining ismi o‘zgarganda;

– yuridik shaxsning nomi va tashkiliy-huquqiy shakli o‘zgarganda;

– jismoniy shaxsning biometrik pasporti (ID-karta) ma’lumotlari o‘zgarganda;

– ishonchnomaning amal qilish muddati uzaytirilganda.

Quyidagi hollarda ishonchnoma Platforma tomonidan avtomatik ravishda bekor qilinadi:

– ishonchnomaning muddati tugaganda;

– jismoniy shaxs vafot etganda;

– yuridik shaxs tugatilganda.

Reyestr ishonchnomalarni unikal raqam orqali qidirish uchun barchaga ochiq hisoblanadi.

“Notarius” avtomatlashtirilgan axborot tizimida rasmiylashtirilgan ishonchnomalar Reyestrga avtomatik ravishda kiritiladi.

• Notarius
• Qaror
• hujjat
• veb-sayt