Oʻzbekiston xokkey jamoasi “Humo” yangi mavsumda “Pro Hokei Ligasy” chempionatida ishtirok etadi. Bu haqida klub rasmiy saytida maʼlum qilindi.

Bu boʻyicha Oʻzbekiston xokkey federatsiyasi kelishuvga erishgan. Tez orada shartnoma va boshqa meʼyoriy hujjatlar imzolanadi.

“Humo”ning qaytishi chempionatimizga ijobiy taʼsir koʻrsatadi. Sogʻlom raqobat hech kimga zarar keltirmaydi. Toshkent klubi oʻzining birinchi mavsumidan soʻng ham “Pro Hokei Ligasy” ishtirokchisi sifatida qolishni istagandi, ammo Covid cheklovlari bunga xalaqit berdi.

Umid qilamizki, endi hammasi yaxshi boʻladi va “Humo”ning qaytishi oʻzaro rivojlanishga xizmat qiladi. Balki bu voqea boshqa xorijiy jamoalarning ham Qozogʻiston chempionatiga kirishiga turtki boʻlar.

Qayd etib oʻtishni istardimki, “Humo” avgust oyining ikkinchi yarmiga belgilangan Qozogʻiston Kubogida ham ishtirok etishni maqsad qilgan”, – deydi QXL ijrochi direktori Andrey Sachuk.

Eslatib oʻtamiz, Toshkent jamoasi bunga qadar ham Qozogʻiston chempionatida ishtirok etgan. 2019—2020-yilgi debyut mavsumida “Humo-2” chempionatda 10-oʻrinni egallagan edi.

“Humo” yana oʻyinga qaytdi. Klub koronavirus pandemiyasi sababli sodir boʻlgan ikki yillik tanaffusdan soʻng “Pro Hokei Ligasy”da ishtirokini qayta tiklaydi. 

Bu yangilik Oʻzbekiston va Qozogʻiston xokkey muxlislarini xursand qiladi, deb oʻylaymiz.

Qozogʻiston chempionatida kuchli va mahoratli jamoalar yigʻilgan. Umuman chempionatning saviyasi ancha yuqori.

“Humo”ning turnirdagi ishtiroki Oʻzbekistonda xokkeyni yanada ommalashtirish va rivojlantirishga xizmat qilishiga ishonaman”, – deydi Oʻzbekiston xokkey federatsiyasi birinchi vitse-prezidenti Bahodir Gʻofurov.

Maʼlumot uchun, “Humo” xokkey klubiga 2018-yil oxirida asos solingan. Jamoa uy uchrashuvlarini “Humo Arena”da oʻtkazadi.

• Humo
• O‘zbekiston
• Xokkey