Nyu-York sudida tadbirkor Ilon Mask va uning SpaceX va Tesla kompaniyalariga qarshi 258 milliard dollarlik da’vo qo‘zg‘atildi.

Tadbirkor Dogecoin kriptovalyutasi orqali “kripto piramida”da yaratishda ayblanmoqda. Bu haqda tegishli hujjatga tayanib, “Reuters” xabar berdi.

“Ayblanuvchilar Ilon Mask, SpaceX va Tesla Dogecoin kriptovalyutasi orqali kripto-piramidaga jalb qilingan”, – deyiladi agentlik xabarida.

Da’voda aytilishicha, Mask 2019-yilda ushbu kriptovalyutani ishlab chiqish va targ‘ib qilishni boshlaganidan beri da’vogar Keyt Jonson va u nomidan gapirayotgan boshqa fuqarolar deyarli 86 milliard dollar yo‘qotgan.

Bloomberg ma’lumotlariga ko‘ra, Dogecoin narxi birjada 16-iyun kuni 0,05 dollar darajasida saqlanib turgan, bu yil u taxminan 67 foizga tushgan. O‘tgan yilning mayida u 0,7 dollarlik cho‘qqiga chiqib, keyin pasayishni boshlagandi.

Ma’lumot uchun, 2013-yilda ishlab chiqarilgan Dogecoin Ilon Maskning sevimli kriptovalyutalaridan biridir. Va u buni bir necha marta, shu jumladan o‘z nutqlari va nashrlarida targ‘ib qilgan. Shunday qilib, 2021-yil dekabr oyida Tesla Dogecoin’da to‘lovlarni qabul qila boshlagan, bu esa ushbu kriptovalyuta narxining 24% ga oshishiga olib keldi. 2021-yil fevral oyida esa Ilon Mask o‘zining Twitter’ida Dogecoin’ni “odamlar uchun kripto” deb atadi, bu uning qiymatini bir vaqtning o‘zida 80 foizga oshirdi. Biroq, biznesmenning bu muvaffaqiyati uzoqqa cho‘zilmadi.

• Ilon_Mask
• Jahon
• Kriptovalyuta
• Piramida
• Sud