2022-yilgi jahon chempionati yakunlanib bormoqda. Ba’zi futbolchilar uchun turnir “uzoq” davom etib yakunlangan bo‘lsa, ba’zi futbolchilar esa turnirda hatto bir daqiqa ham o‘ynamadi. Quyida, JCh-2022 da maydonga tushmagan bir nechta taniqli futbolchilar haqida so‘z yuritamiz.

Mark-Andre ter Shtegen (Germaniya terma jamoasi)

Ter Stegen uchun hech narsa o‘zgarmagan - Olmoniya termasining asosiy darvozaboni Manuel Noyer. "Barselona" darvozaboni hech qachon JCH-2022da o'ynamadi, shuningdek, Germaniyaning terma jamoadagi turnirdagi ishtiroki ham uzoq bo‘lmadi. Nemislar pley-offga chiqa olmadi va guruh bosqichining 3 o'yindan so'ng uylariga qaytishdi. Ehtimol, ter Shtegenga mamlakati mezbonligidagi 2024-yilgi Evropa chempionatida imkoniyat berilishi mumkindir.

Aaron Remsdeyl (Angliya terma jamoasi)

Remsdeyl ilgari darvozasini qo‘riqlagan barcha klublar Chempionshipga tushib ketgan. Ammo, kiper “Arsenal” ga o‘tgandan so‘ng, uning darajasi mutlaq o‘zgardi. Bu uning Angliya terma jamoasiga chaqiruv olishiga yordam berdi. Biroq, jahon chempionatida “to‘pchilar” birinchi raqamli darvozaboni hech qachon maydonga tushmadi – Angliya termasi darvozasi Pikfordga topshirildi. “Everton” kiperi bir necha yillardan buyon Angliyaning boshlang‘ich 11 futbolchi orasida.

Konor Gallaher (Angliya terma jamoasi)

Angliya ko‘p iste’dodli futbolchilarga ega, ammo hammaga ham maydonda joy yo‘q, xususan Konor Gallaherga ham. Biroq, “Chelsi” futbolchisi uchun Qatar sayohati kutilmagan bo‘ldi, bu uning o‘zi ham ta’kidladi. 2022-yilgi jahon chempionatida u bir daqiqa ham o‘ynamadi, lekin bu ajablanarli emas. Uning pozitsiyasida boshqa bir iste’dod o‘ynadi – Jud Bellingem. Ammo, Konor ham yaqin yillarda Angliya va “Chelsi” uchun ko‘p narsa bera oladigan iste’dodga ega.

Stefan De Vrey

De Vrey “Inter” ning asosiy himoyachisi. Ammo, milliy terma jamoada futbolchining holati uncha yaxshi emas. Niderlaniyalik futbolchi butun turnir davomida zaxirada o‘tirdi. Terma jamoada bir vaqtning o‘zida 5 ta markaziy himoyachi mavjud edi, raqobatda yutish ancha mushkul. Turnirda hatto, De Lixt ham 92 daqiqa o‘ynadi. Lui van Galning termani tark etishi De Vreyning ham holatiga ta’sir o‘tkazishi mumkin.   Tark etgan mutaxassisning o‘rnini tez orada Ronald Kuman egallaydi.


Ben Vayt

”Arsenal” himoyachisining terma jamoaga chaqiruv olishi klub bosh murabbiyi Mikel Artetani xursand qilgan edi. Biroq, futbolchi uchun bu xursandchilik olib kelmadi. Ben JChda birorta o‘yinda maydonga tushmadi va hatto terma jamoa muddatidan avval tark etdi. Xabarlarga ko‘ra, bunga terma jamoa bosh murabbiyi Garet Sautgeytning yordamchilaridan biri bilan bo‘lgan ziddiyat sababchi bo‘lgan. Mutaxassis tomonidan bu tasdiqlanmagan, lekin rad ham etilmagan. Ben Vayt “Arsenal” da o‘z mahoratini ko‘rsata oldi. Qaysidir ma’noda, uning ham yordami evaziga “Arsenal” yilni 1-o‘rinda yakunlamoqda.

Karim Adeyami (Germaniya terma jamoasi)

Adeyami Germaniya terma jamoasining yangi avlod vakillaridan biri hisoblanadi. Biroq, Germaniya uchun tugagan turnirda futbolchi o‘z o‘yinini namoyish eta olmadi – unga imkoniyat berilmadi. Ammo, uning Bundesligadagi harakatlari tufayli terma jamoaga chaqiruv olganini unutmaslik kerak. Nima bo‘lgan taqdirda, Karimda kelajakda terma uchun muhim o‘yinchi bo‘lish imkoniyati mavjud. Germaniyada istiqbolli futbolchilar yetishib chiqmoqda. Ammo, ularning ochilishiga yo‘l qo‘ymaslik g‘alati bo‘ladi.

Jeyms Meddison

Jahon chempionatida o‘ynamagan yana bir angliyalik futbolchi. Avvaliga, Meddisonga ishonch kamroq edi, lekin Jeyms Angliya terma jamoasining JCh-2022 uchun qaydnomasiga kiritildi. “Lester” yarim himoyachisi Angliya safida faqat 1 ta o‘yinda qatnashgan (2019-yil, Chernogoriyaga qarshi bahs). Jeyms Meddison “Tulkilar”ning asosiy futbolchilaridan biri.

• APL
• Bundesliga
• Jahon chempionati
• Qatar