O‘zbekiston terma jamoasi Samarqandda o‘tkazilgan 46-Butunjahon shaxmat olimpiadasida oltin medalni qo‘lga kiritdi.

Jamoamiz Ukraina bilan so‘nggi turdagi uchrashuv yakunlanishidan oldin chempionlikni matematik jihatdan kafolatladi. Bunga Hindistonning Vengriya bilan 2:2 hisobidagi durangi sabab bo‘ldi. O‘zbekiston 10 turdan so‘ng 18 ochko bilan Hindistondan bir ochko oldinda edi.

O‘zbekiston dastlabki 7 turda ketma-ket g‘alaba qozondi. Hal qiluvchi bahslarda Hindiston 2,5:1,5, Xitoy esa 3:1 hisobida mag‘lub etildi. 8-turda Germaniya g‘alabali seriyani to‘xtatgan bo‘lsa-da, jamoamiz keyingi turlarda AQSh va Armaniston ustidan ishonchli g‘alabalarni qayd etdi.

🇺🇿 O‘zbekiston tarkibi:

Javohir Sindarov
Nodirbek Abdusattorov
Nodirbek Yakubboyev
Shamsiddin Vohidov
Muhiddin Madaminov

Jamoa sardori — sobiq jahon chempioni Rustam Qosimjonov.

O‘zbekistonning so‘nggi uch Shaxmat olimpiadasidagi natijasi:

🥇 2022, Chennai — OLTIN
🥉 2024, Budapesht — BRONZA
🥇 2026, Samarqand — OLTIN

Shu tariqa O‘zbekiston ketma-ket uchta Shaxmat olimpiadasida medal qo‘lga kiritdi va to‘rt yil ichida ikkinchi bor Open bo‘limida jahon chempioniga aylandi.

Eng muhimi, bu safargi tarixiy g‘alaba o‘zimizning Samarqand shahrimizda qo‘lga kiritildi.