“O‘zbekiston respublika tovar-xom ashyo birjasi” ochiq savdolarida 14-20 fevral kunlari jami 2 trillion 259,1 milliard so‘mlik tovar resurslari sotilgan. Bu haqida birja matbuot xizmati xabar berdi.

Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘ygan. O‘tgan haftada birja savdolarida 1308,0 tonna paxta yog‘i sotilgan. O‘tkazilgan savdolarda har kuni o‘rtacha 54 xaridor ishtirok etgan. O‘rtacha kunlik sotuv hajmlari 262,0 tonnani tashkil qilgan.

Ko‘rib chiqilayotgan davrda barcha navli paxta yog‘ining kunlik o‘rtacha narxlari mahsulotning bir tonnasi uchun 16 million 145,4 ming so‘mdan 15 million 20,5 ming so‘mgacha, ya’ni 7,0 foizga pasaygan.

Qayd etilishicha, o‘tgan hafta mobaynida birja savdolarida 118 ming 615,0 tonna syement sotilgan. O‘rtacha kunlik sotuv hajmlari 23,7 ming tonnani tashkil qilgan.

Ko‘rib chiqilayotgan davrda sementning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 571,6 ming so‘mdan 566,3 ming so‘mgacha pasaygan. O‘tkazilgan savdolarda har kuni o‘rtacha 307 xaridor ishtirok etgan.

Shuningdek, o‘tgan hafta mobaynida birja savdolariga 2267,0 tonna polietilen qo‘yilgan va ulardan barcha hajmi sotilgan. Polietilenning o‘rtacha kunlik sotuv hajmlari 453,0 tonnani tashkil qilgan.

Ko‘rib chiqilayotgan davrda polietilenning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 19 million 363,5 ming so‘mdan 18 million 71,4 ming so‘mgacha, ya’ni 6,7 foizga pasaygan. O‘tkazilgan savdolarda har kuni o‘rtacha 62 xaridor ishtirok etgan.

• Birja
• Narx-navo
• Sement