O‘zbekiston Respublikasi va Kipr Respublikasi  o‘rtasida “Kipr-O‘zbekiston” qo‘shma biznes uyushmasi tashkil etildi.

Tashkilotning ta’sis hujjati O‘zbekiston elchisi Abat Fayzullayevning Kipr savdo-sanoat palatasi prezidenti Stavros Stavrou bilan uchrashuvida ma’qullangan.

Tashkilot ikki davlatning iqtisodiyot, moliya, savdo va turizm sohasidagi hamkorligini oshirishga yordam beradi, shuningdek, O‘zbekiston va Kipr biznes hamjamiyatlari manfaatlarini ilgari suradi.

“O‘zaro savdo va investitsiyalar sohasida hamkorlik qilish uchun yuqori salohiyat mavjud. Shu munosabat bilan O‘zbekiston elchixonasi bilan hamkorlikda “Kipr-O‘zbekiston” biznes assotsiatsiyasini tashkil etish g‘oyasini amalga oshirishdan mamnunmiz", dedi Stavros Stavrou uchrashuvda.

• Biznes
• Kipr
• O‘zbekiston