Ayni kunlarda Vyetnamning Xoshimin shahrida para taekvondo boʻyicha Osiyo chempionati boʻlib oʻtmoqda.
Eʼtiborlisi, ushbu musobaqada 6 nafar oʻzbekistonlik parasportchi sovrindorlar safidan joy oldi.
Jumladan, erkaklar oʻrtasida -63 kg vazn toifasida Kudrat Xaydarov barcha raqiblarini magʻlubiyatga uchratgan holda oltin medalni qoʻlga kiritgan boʻlsa, xuddi shu vaznda yana bir vakilimiz – Qudrat Suyunov bronza medaliga sazovor boʻldi.
Shuningdek, -70 kg vazn toifasida Asil Xusanov va +80 kg vazn toifasida Asad Anvarov bronza medali sohibiga aylandi.
Ayollar oʻrtasida -47 kg vazn toifasida Ziyoda Isoqova kumush medalni terma jamoamiz hisobiga qoʻshtirib qoʻydi.
+65 kg vazn toifasida bahslarda ishtirok etgan Guljanoy Naimova esa gʻoliblikni hech kimga bermadi va oltin medalini qoʻlga kiritdi.
Qayd etilishicha, qitʼaning 21 davlatidan 100 dan ortiq sportchi qatnashgan ushbu musobaqada Oʻzbekiston terma jamoasi umumjamoa hisobida Erondan soʻng 2-oʻrinni egalladi. Kuchli uchlikdan esa Qozogʻiston joy oldi.
Bundan tashqari, Oʻzbekiston terma jamoasi Osiyo chempionatining eng yaxshi jamoasi deb topildi va terma jamoamiz murabbiyi Bobur Qoʻziyev musobaqaning eng yaxshi murabbiyi nomiga loyiq koʻrildi hamda maxsus kubok bilan taqdirlandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!