33°
Kechasi 20°
Bir necha kun avval “Marvel” kompaniyasi “Qora pantera: Abadiy Vakanda” filmining debyut treylerini e’lon qildi. Video San-Diyegodagi “Comic con-2022” festivali doirasida namoyish etildi. Ushbu film nafaqat kompaniya balki dunyoning eng ko‘p daromadli filmlaridan biriga aylanishi kutilmoqda.
Ba’zan tomoshabin nafaqat filmni, balki millionlab tomoshabinlar tomonidan tan olingan va voqealarga boy kartina tomosha qilishni istaydi. “Paste” jurnali reytingiga asoslanib, dunyo kinosi tarixida eng ko‘p daromad keltirgan 10 ta film ro‘yxatini e’tiboringizga havola etamiz.
“Qora pantera”
Kassa: 1,34 milliard dollar
Chiqarilgan yili: 2018-yil
Vakanda qirolligi va uning yuqori rivojlanish darajasi kam odamga ma’lum, ammo bu davlatning chinakam rivojlanishiga to‘sqinlik qilmaydi. Mamlakat muvaffaqiyatining siri metall vibraniumdir. Dushmanlar hech narsada to‘xtamasdan Vakanda boyliklariga erishmoqchi bo‘ladi. Bosqinchilarning barcha rejalari har doim Qora Pantera ismli qahramon tomonidan yo‘q qilinadi. Ammo yovuzlardan biri hali ham Vakanda sirlarini o‘rganishda davom etadi
“Qasoskorlar: Ultron davri”
Kassa: 1,40 milliard dollar
Chiqarilgan yili: 2015-yil
Yana bir bor koinot tahdid ostida. Isyonkor sun’iy intellekt Ultron odamlarni yo‘q qilish bilan tahdid qilmoqda. Faqatgina Qasoskorlar dahshatli ssenariyni to‘xtatib, yovuzlik tomoniga o‘tib ketgan superkompyuterga qarshi kurashishlari mumkin. Ammo superqahramonlar har birining qo‘rquvini yengib, jamoadagi ichki qarama-qarshiliklarga dosh bera olishi kerak bo‘ladi?
“Muzyurak 2”
Kassa: 1,45 milliard dollar
Chiqarilgan yili: 2019-yil
Elzaning sarguzashtlari tugagandek ko‘rinadi va u Arendelleda tinchlikda yashashi, mamlakatni boshqarishi va oilaviy farovonlikdan bahramand bo‘lishi mumkin. Ammo to‘satdan qiz yordam so‘ragan sirli ovozni eshita boshlaydi. Elza singlisi Anna va do‘stlari Kristof, Olaf, Sven bilan birga yana sayohatga boradi. Xavf va to‘siqlar jamoaga yanada kuchliroq birlashishga va qadimgi afsonalarda yashiringan narsalar haqida ko‘p narsalarni o‘rganishga imkon beradi.
“Qirol sher”
Kassa: 1,65 milliard dollar
Chiqarilgan yili: 2019-yil
Arslon bolasi Simbaning hikoyasi haligacha bolalarni ham, kattalarni ham befarq qoldirmaydi. Multfilm yangilangan versiyasining hayratlanarli realizmi Simbani yanada empatik ko‘rinishga keltiradi. Tomoshabinlar Afrika savannalari dunyosiga sayohat qilishi, Skarning xiyonatkorligidan nafratlanishi, Pumba va Timonning g‘ayrioddiy harakatlariga kulishlari, shuningdek Simba va Nalaning sevgi hikoyasini tomosha qilishlari mumkin.
“Yura davri dunyosi”
Kassa: 1,67 milliard dollar
Chiqarilgan yili: 2015-yil
Pul topish istagi bir guruh olimlar va tadbirkorlarni dinozavrlar yashaydigan qo‘riqxona yaratishga undadi. Agar park egalari loyihaga qiziqish uyg‘otish maqsadida yangi dinozavrni yaratmasalar, hammasi yaxshi bo‘lardi. Orolning bu aholisi noyob tajovuzkorlik va shafqatsizligi bilan ajralib turadi.
“Qasoskorlar: chegarasiz urush”
Kassa: 2,05 milliard dollar
Chiqarilgan yili: 2018-yil
Tanos koinotdagi eng qudratli mavjudotga aylanadi. Bunda unga cheksizlik toshi yordam beradi. Uning keyingi maqsadi butun dunyo taqdirini boshqarishga imkon beradigan qolgan toshlarni qo‘lga kiritishdan iborat. Tanosni to‘xtatish uchun Qasoskorlar birlashishi va koinotdagi kuchlar muvozanatini tiklash uchun bor kuchini sarflashi kerak bo‘ladi.
“Yulduzlar jangi: kuchning uyg‘onishi”
Kassa: 2,06 milliard dollar
Chiqarilgan yili: 2015-yil
Imperiya nihoyat mavjud bo‘lishni to‘xtatganga o‘xshardi, lekin uning o‘rniga birinchi tartib paydo bo‘ladi. Bu shuni anglatadiki, Leia Organa o‘z vazifasiga qaytadi va zulmat kuchlari bilan kurashishga majbur bo‘ladi. Bundan tashqari, Leia yo‘qolgan Lyuk Skayuolkerni qidiradi.
Finn, Chyubacca, Xan Solo va Rey birinchi tartibga qarshi kurashga qo‘shilishadi. Po ularga to‘satdan yordamga keladi va jang paytida “R2-D2” droidi uyg‘onadi, bu esa Lyukni topishga umid beradi.
“Titanik”
Kassa: 2,21 milliard dollar
Chiqarilgan yili: 1997-yil
Aristokrat Roza va kambag‘al rassom Jekning sevgi hikoyasi, bu Titanikning qisqa sayohati fonida sodir bo‘ladi. Tomoshabinlar yoshlarning bir-birlarini qanday bilishlari va kelib chiqish farqi ularning his-tuyg‘ulariga to‘sqinlik qilmasligini tushunishadi.
“Qasoskorlar: final”
Kassa: 2,80 milliard dollar
Chiqarilgan yili: 2019-yil
Tanosning dunyo uchun narxi juda baland bo‘lib chiqdi: ko‘p odamlar halok bo‘ldi, ba’zi qasoskorlar vafot etdi, boshqalari kuchsiz va jang qilishga tayyor emas edi, kimdir hatto o‘zlarining qahramonlik o‘tmishini unutishga harakat qiladi. Ammo Skott Langning (Chumoli odam) kvant olamidan qaytishi dunyoga umid baxsh etadi. Qasoskorlar birlashib, vaqtni orqaga qaytarishadi.
“Avatar”
Kassa: 2,85 milliard dollar
Chiqarilgan yili: 2009-yil
Ayni paytda “Avatar” eng ko‘p daromad keltirgan filmdir. Bu kartinada hatto noyob maxsus effektlar ham mavjud emas. Ko‘plab tomoshabinlar ajoyib sayyora Pandora va uning aholisi haqidagi hikoyaga ko‘proq e’tibor qaratishadi. Masalan aholisi haddan tashqari ko‘p va resurslardan mahrum Yer sayyorasi vakillarining oqilona va chinakam ongli Pandora gumanoidlari bilan bog‘liqligi, tabiat bilan hayratlanarli birlikda yashashi va asosiy maqsadi noyob mineral anobtaniumni olishdan iborat ekani g‘oyat ta’sirli va aniq tasvirlangan.
Aslida nogironlar aravachasida yuradigan sobiq piyoda askar Jeyk Sulli keyinchalik Pandora qahramoniga aylanadi hamda sayyora va uning aholisi taqdirini o‘zgartiradi?
Aytgancha, “Titanik” va “Avatar” filmlari rejissyori Jeyms Kemeron hisoblanadi. Shuningdek joriy yilda “Avatar: Suv yo‘li” va 2028-yilga qadar yana 3 ta fasl suratga olinishi ma’lum bo‘lib ulgurgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
