31°
Kechasi 18°
Hashamatli avtomobillar ishlab chiqaruvchi “Rolls-Royce” Buyuk Britaniya kosmik agentligi bilan hamkorlik qilmoqda. Maqsad: Oy va Marsga uchish uchun ishlatilishi mumkin bo‘lgan yadro reaktorini yaratishdan iborat.
Qayd etilishicha, “Rolls-Royce” muhandislari allaqachon bunday reaktorning birinchi prototipini ishlab chiqargan. U raketalar, sayyora stansiyalari va bazalar uchun asosiy energiya manbayi sifatida ishlatilishi mumkin. Brend reaktor suratlarini ham ishtimoiy tarmoqlar orqali bo‘lishdi.
Ma’lumki, bu miniatyura atom elektr stansiyasi. Muhandislarning fikricha, uran zarralari (asosiy yadro yoqilg‘isi) hatto ekstremal sharoitlarda ham xavfsiz foydalanish uchun bir necha qatlamlarga o‘ralgan.
“Rolls-Royce” yadroviy reaktorni “sayyora sirtini kosmik tadqiq qilishda foydalanish yoki kosmik kemani quvvatlantirish hamda harakatga keltirish uchun mo‘ljallangan mustaqil va energiyani ko‘p talab qiluvchi yechim” deb ta’riflaydi.
Nima uchun “Rolls-Royce” koinotga “ko‘tarilmoqchi?”
Kosmik tadqiqotlar har yili o‘sib borayotgan ulkan biznes va “Rolls-Royce” kompaniyasi buni yaxshi tushunadi. Kompaniya muhandislari nafaqat qimmatbaho avtomobillar uchun dvigatellar, balki kosmik agentliklarga yetkazib berilishi mumkin bo‘lgan yanada murakkab texnologiyalarni ham yaratishi mumkin.
“Rolls-Royce” faqatgina avtomobillar bilan mashhur emas. Masalan, kompaniya yo‘lovchi samolyotlari uchun turbinalar yetkazib beruvchi yirik korporasiyalardan biri hisoblanadi.
Qayd etish mumkin, “Rolls-Royce Motor Cars” BMW AG korporasiyasining “Rolls-Royce” brendi ostida hashamatli avtomobillar ishlab chiqarishga ixtisoslashgan bo‘linmasi hisoblanadi.
Ingliz kompaniyasi ishlab chiqargan avtomobillar butun dunyo bo‘ylab faqat buyurtmalarga asosan ishlab chiqariladi va aksariyatining narxi juda qimmat.
1998-yilda “Vickers” konserni egalari “Rolls-Royce Motors” aktivlaridan xalos bo‘lishga qaror qilgan. Eng jozibali xaridor Germaniyaning BMW avtomobil ishlab chiqaruvchisi bo‘lib, u allaqachon “Rolls-Royce” va “Bentley” avtomobillari uchun dvigatellar va butlovchi qismlarni yetkazib berar edi, biroq BMW yakuniy taklifi 340 million funt sterling taklif qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
