AQShning Kaliforniya shtati, Indio shahridagi Fantasy Springs Resort Casino majmuasida professional boks turniri yakunlandi.

Oqshom doirasida o‘zbekistonlik Ruslan Abdullayev o‘zining prof boksdagi uchinchi jangini o‘tkazdi. Abdullayev amerikalik Kevin Jonsonga qarshi ringga ko‘tarildi. Sakkiz raund to‘liq davom etgan jangda Ruslan tajribali raqibini hakamlar qaroriga ko‘ra mag‘lubiyatga uchratdi.

Ma’lumot uchun, uning raqibi 32 yoshli Jonson hozirga qadar 20 ta jang o‘tkazgan bo‘lib, bugun faoliyatidagi sakkizinchi mag‘lubiyatini qabul qilib oldi. U faoliyatidagi ilk mag‘lubiyatini 2018-yil iyul oyida yana bir o‘zbekistonlik bokschi Fazliddin G‘oyibnazarovdan qabul qilib olgan edi.

Havaskor boksda jahon chempioni hisoblangan Ruslan Abdullayev esa bugun prof boksdagi uchinchi jangida uchinchi g‘alabasini qo‘lga kiritdi.

• AQSh
• Boks
• Kaliforniya