Futbol afsonasi – Pele 82 yoshida vafot etdi. Eng buyuk futbolchilardan birining o‘limidan so‘ng dunyo futboli larzaga keldi va barcha taniqli shaxslar braziliyalik futbolchi bilan xayrlashdi. Bir nechta futbolchilar, siyosatchi va prezidentlarning “Futbol qiroli” o‘limiga munosabatini taqdim etamiz.

“Santos” – Pelening karyerasidagi asosiy klub. U 1957/74-yillar oralig‘ida shu jamoada to‘p tepgan. Klub uning vafotidan so‘ng instagram sahifasida “Abadiy” deb yozdi.

Kilian Mbappe – “Futbol qiroli vazof etdi, ammo uning merosi hech qachon unutilmaydi”

Krishtianu Ronaldu – “men butun Braziliyaga va xususan, janob Edson Arantis do Nasimento oilasiga chuqur hamdardlik bildiraman. Abadiy qirol bilan shunchaki “xayrlashish” o‘sha paytda butun futbol ommasini qamrab olgan og‘riqni ifodalash uchun yetaeli bo‘lmaydi.”

Leo Messi – holatga qisqa xabar bilan munosabat bildirdi: “Abadiy orom ol, Pele.”

Erling Holand– “zamonaviy futbolda ko‘rgan barcha narsangiz Peledan olingan”

Garet Beyl – “Ko‘pchilikning futbolga mehr qo‘yishining sababchisi”

Gari Lineker – “Pele vafot etdi. Futbolchilarning eng dohiysi va odamlarning eng quvnog‘I. U shunday futbol o‘ynardiki, faqatgina bir nechta futbolchi unga yaqinlasha olgan”

Didye Desham – “Pelening o‘limi bilan futbol o‘zining eng go‘za afsonalaridan birini unutdi. U odamlarga orzu qilishga majbur qildi va sport muxlislarining butun avlodini ilhomlantirdi. Kim bolaligida Pele kabi bo‘lishni orzu qilmagan?

Pelening o‘yini samaradorlik va go‘zallik timsoli edi.”

Kazemiro – “Abadiy orom oling, qirol Pele. Braziliya va futbolga bergan buyukligingiz uchun tashakkur. Sizning meros abadiydir”

Roberta Metsola – “Pele eng buyuklaridan biri edi. U milliardlab odamlarni xushnud etdi, avlodlarni futbol quvonchlari bilan tanishtirdi va dunyoga juda katta orzular yo'qligini ko'rsatdi.

Evropa Braziliya va butun dunyo bilan birgalikda ajoyib o'yin giganti uchun hamdard. Abadiy orom ol”

Neymar – Peledan oldin 10 shunchaki raqam edi. Bir nechta marta shu kabi so‘zlarni o‘qidim. Ammo, uncha to‘g‘ri ta’rif emas. Peledan avval futbol shunchaki sport edi. Pele hammasini o‘zgartirdi.

U futbolni san’at va zavqlanishga o‘zgartirdi. U kambag‘allar va qora tanlilarning ovozi edi. Eng muhimi, u braziliyani hammaga ko‘rsatdi. Futbol va Braziliyaning maqomi Qirol tufayli o‘sdi.

U ketdi. Lekin uning sehri abadiy qoladi.

“Real Madrid”– Biz Pelening oilasiga, uning yaqinlarga, klublariga va Braziliya konfederatsiyasi hamda Braziliyadagi va butun dunyodagi barcha futbol muxlislariga hamdardlik bildiramiz.

Pele sportni yaxshi ko‘ruvhilar yodida abadiy qoladi va uning merosi uni jahondagi eng buyuk futbol afsonalaridan biriga aylantirdi”

PSJ – “Futbolning abadiy qiroli. Ushbu qayg‘uli paytda do‘stlarimiz, oilalar va butun Braziliya xalqiga hamdardlik bildiramiz. Hammasi uchun rahmat”.

“Arsenal”: “Pele vafoti haqidagi xabar bizni chin dildan xafa qildi. Klub sifatida biz Peleni 1981-yilda Xayberida qabul qilish sharafiga muyassar bo'ldik. Biz doimo saqlaydigan xotira. Biz, butun futbol hamjamiyati bugun Pele yaqinlari bilan yelkadoshmiz”

Luis Hemilton: “Bugun biz afsonani yo‘qotdik. O‘z iste’dodingiz hamda daholigingiz va mehr-muhabbatingizni biz bilan baham ko‘rganingiz uchun rahmat.

Pele bizni doimo ilhomlantiradi”.

Emmanuel Makron – “O‘yin. Qirol. Abadiy”

Barak Obama – “Pele tarixdagi eng buyuk futbolchilardan biri. Unda sportining odamlar bilan birlashtirish qobiliyati bor edi”.

Shu kabi yanayuzlab sport, siyosat va boshqa sohaning taniqli vakillari ham Pelening o‘limiga reaksiya bildirgan.

Edson Arantis do Nasimentoning dafn marosimi 2-yanvar kuni, San-Pauluning Santos shahridagi “Vila-Belmiro” stadionida bo‘lib o‘tishi rejalashtirilgan. Bu hudud “Santos”ning tarixiy maskani hisoblanadi va Pele asosiy faoliyatini shu yerda olib borgan.

• Braziliya
• Makron
• Messi
• O'lim
• Pele
• Ronaldu