Gruziya poytaxti Tbilisida stol tennisi boʻyicha “WTT Youth Contender” turniri boʻlib oʻtmoqda.

Unda oʻzbekistonlik sportchilar turli yosh toifalarida ishtirok etishmoqda.

U-13 toifasida hamyurtimiz Arujan Kamalova finalga chiqdi. U hal qiluvchi uchrashuvda Gonkonglik raqibi Mak Ming Shumga imkoniyatni boy berib qoʻydi. Stol tennischimiz final bosqichida raqibi bilan tengma- teng kurash olib bordi va hal qiluvchi oʻyinda raqibiga 2:3 hisobida yutqazdi. Shu tariqa, kumush medalni qo‘lga kiritdi.

Arujan Kamalova final bosqichiga qadar, dastlab oʻzining saralash guruhida gʻalaba qozongan boʻlsa, chorak final bosqichida qozogʻistonlik raqibini magʻlub etdi, soʻngra yarim finalda ancha kuchli hisoblangan eronlik raqibini taslim etdi.

Eslatib oʻtamiz, avvalroq Gruziyada 13 yoshli hamyurtimiz Temurbek Nurmonov musobaqaning bronza medalini qoʻlga kiritgan edi.

• Gruziya
• O‘zbekiston
• stol tennisi