Davlat xavfsizlik xizmati xabar berishicha, Surxondaryo viloyatining Denov tumanida Tojikiston fuqarosini tutqunlikda saqlagan shaxs qamoqqa olindi. Qayd etilishicha, Denov shahrida yashovchi, 1993-yilda tug‘ilgan muqaddam sudlangan shaxs Dushanbe shahrida istiqomat qiluvchi, 1993-yilda tug‘ilgan Tojikiston Respublikasi fuqarosini noqonuniy ravishda ushlab turgan. Aniqlanishicha, denovlik shaxs Dushanbe shahrida yashovchi 1988-yilda tug‘ilgan tanishiga 11 ming AQSh dollari bergan va garov sifatida uning sherigini Denov shahrida olib qolgan.

Pullar o‘z vaqtida qaytarilmaganidan so‘ng Tojikiston fuqarosini tutqunlikda ushlab, turli qiynoqlarga solgan va unga og‘ir darajada tan jarohati yetkazgan.

Zo‘ravonga nisbatan jinoyat ishi qo‘zg‘atilib, qamoq ehtiyot chorasi qo‘llangan.

• Surxondaryo
• Tojikiston
• zo‘ravonlik