Rossiya qurolli kuchlarining Xarkovga bergan raketa zarbasi natijasida besh kishi halok bo‘ldi. Bu haqda shahar meri Igor Terexov ma’lum qildi, deya xabar bermoqda “Anadulu” xabar berdi.

Qayd etilishicha, oldinroq to‘rt kishi halok bo‘lgani va yetti nafar jarohatlangani haqida xabar berilgan.

Xarkov viloyati ma’muriyati rahbari Oleg Sinegubov vayronalar ostida 10 nafargacha odam qolishi mumkinligini ma’lum qilgan. Shuningdek, Xarkov viloyati politsiyasiga ko‘ra, rus qo‘shinlari X-59 raketasi bilan Xarkovga hujum qilgan. Xolodnogorsk tumanida otishma sodir bo‘lgan.  Bu yerda esa besh qavatli uy, avtomobil va xususiy korxona binolari zarar ko‘rgan.

• Raketa
• Rossiya
• Xarkov