22°
Kechasi 13°
O‘zbekistonda Vazirlar Mahkamasi qarori bilan 1-maydan elektromobillar uchun 45 mln so‘mdan 78 mln so‘mgacha utilizatsiya yig‘imi undirilishi ko‘zda tutilgan edi.
Biroq ijtimoiy tarmoqlarda ushbu yig‘imning barcha turdagi mashinalardan undirilishi haqida noto‘g‘ri xabarlar tarqalib, turli muhokamalarga sabab bo‘lmoqda.
Vazirlar Mahkamasining “Elektrodvigatelga ega bo‘lgan transport vositalari akkumulyator batareyalarini utilizatsiya qilish infratuzilmasini tashkil etish ishlarini moliyalashtirish bo‘yicha qo‘shimcha chora-tadbirlar to‘g‘risida”gi qarori bilan mamlakatda “yashil” texnologiyalardan foydalanishni kengaytirish, elektromobillarning yaroqsiz holga kelib qolgan batareyalarini atrof-muhitga keskin zarar yetkazmagan holda utilizatsiya qilinishi ta’minlash va sohada mahalliylashtirish ishlarini yanada jadallashtirish maqsad qilingan.
Mazkur qaror bilan 2025-yil 1-maydan boshlab:
– ishlab chiqarilgan muddatidan boshlab 3 yildan ortiq bo‘lmagan elektromobillar uchun BHMning 120 baravari (45 mln so‘m);
– ishlab chiqarilgan muddatidan boshlab 3 yildan ortiq bo‘lgan elektromobillar uchun BHMning 210 baravari (78 mln 750 ming so‘m) etib belgilanadi.
Ya’ni, faqatgina elektromobillar uchun utilizatsiya yig‘imi belgilangan: gibrid va qolgan transport vositalari bundan mustasno.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
